• Têketin
  • Bibe Nivîskar
  • Ziman
Hikumeta Kurdistanê Cenazeyê Nemir Şêrko Bêkes tîne Kurdistanê

Hikumeta Kurdistanê Cenazeyê Nemir Şêrko Bêkes tîne Kurdistanê


barkirin: Gelawêj 6, 2013, 1:07


Hikûmeta Herêma Kurdistanê hemû erkên anîna cenazeyê Şêrko Bêkes digre stoyê xwe û radigihîne ku wê wekî erkê xwe dizane.
Wezîrê rewşenbîrî yê hikûmeta Herêma Kurdistanê Dr. Kawa Mehmûd di daxuyaniyekê de ji bo malpera fermî ya hikûmeta Herêma Kurdistanê bi navê serokwezîrê Herêma Kurdistanê Nêçîrvan Barzanî û hikûmeta Herêma Kurdistanê sersaxî ji malbata Şêrko Bêkes re xwest.

Wezîrê rewşenbîrî Dr. Kawa Mehmûd wiha got: “Li ser pêşniyara birêz serokwezîrê Herêma Kurdistanê Nêçîrvan Barzanî, hemû erkên anîna cenazeyê mamosta Şêrko Bêkes, merasîma pêşwazîkirinê, tazî û hemû tedbîran wê bigrin stoyê xwe. Vê yekê jî wekî erkekî xwe dizane. Ji bo vê yekê jî wê hemû hemahengî ligel malbata Şêrko Bêkes bên kirin.”

Encûmena Dergehê Serdem di civîneke çapemeniyê de ragihand ku biryare piştî cejnê merasîma anîna cenazeyê helbestvanê kurd ê navdar Şêrko Bêkes temam bibe û bênin Silêmaniyê.

 

jêder: Rûdaw

dîtin: 96

Pêveker:

hikumeta kurdistanê cenazeyê nemir Şêrko bêkes tîne kurdistanê