• Têketin
  • Bibe Nivîskar
  • Ziman
Ji weşanxaneya Emû Elewî ”Sêxiştiyên Modern”

Ji weşanxaneya Emû Elewî ”Sêxiştiyên Modern”


barkirin: Êlûn 12, 2015, 3:02


Weşanxaneya Emû Elewî di weşana xwe ya demsala havînê de ”Sêxiştiyên Modern” pêşkêşî xwendevan û ziman hezên Kurmancî dike.

Amadekarê pirtûkê, Yehya Elewîferd ku ji Kurdên Xorasanê ye ji Rewanbêjê re got: ”Sêxiştî yek ji qalibên helbestan e ku li ba Kurdên Xorasanê xwedî dîrokeke taybet û çend hezar saliye, çend hezar sêxiştî li Xorasanê hene ku bapîr û dapîran sîng bi sîng dagirtine û gihandine zarok nevîyên xwe”.

Navbirî dibêje: ”Berî çend salan hinek berhem ji wan helbestên gelerî hatine naskirin û berhevkirin”.
Ev yek bûye sedem ku helbestvanên Xorasanê jî di salên dawî de, hinek helbestên xwe di qalibê sêxiştiyan de binivîsin, ku mîna sêxiştiyên kilasîk hatine gotin, lê tenê Şelpek (Hicayek) lê hatiye zêde kirin.

Elewîferd dibêje mînakên sêxiştiyan (sê rêzî) di zimanên din de jî : ”Hayku di zimanê Japonî, Muveşşeh di zimanê Erebî de , Nû xusrevanî (sêganî) di zimanê Farisî û HWD”.

Navbirî taybetmendiya helbestên sêxiştî wiha îzah dike û dibêje helbestvanên Kurd dikarin bi wan rêbazan sêxişteyan binivîsin.

* Li hinek veznan be.
* Wate bê kêm û zêde ji sê rêzan pê bê.
* Şelpan (hicayan) kêm û zêde bike û veznên nû çêbike.
* Zimanê wan Kurdiya nûjen be.
* Qafiye li tu deran neyê bikar anîn.

Weşanxaneya Emû Elewî ku taybet bi çap û weşandina pirtûkên zarok û nûciwanan û zimannasiyê ye, herî dawî pirtûkên ”Şivanê Kurd- Erebê şemo”, ”Reş û Spî – Îbrahîm Seydo Aydogan” û ”Masiyê Tî – Helîm Yûsif” bi zimanê farsî weşandibûn.

dîtin: 270

Pêveker:

ji weşanxaneya emû elewî ”sêxiştiyên modern”