• Têketin
  • Bibe Nivîskar
  • Ziman
Merqeyeke Kurdî li tirkî hate tomarkirin “Xilxalî”

Merqeyeke Kurdî li tirkî hate tomarkirin “Xilxalî”


barkirin: Hêzîran 8, 2014, 8:26


Li Tirkî merqeyeke Kurdî ya rune zeytûna hate tomarkirin. Merqeya ku bi navê Kurdî „Xilxalî“ hatî tomarkirin, ji aliyê Kurdekî Mêrdînê bi navê Hasan Tahsin Gucum pêk hat û dê ji rûnê zeytûna yê bajarê Dêrikê ya ser bi Mêrdînê ve bêne amadekirin.

Li gorî nûçeya ku di Al Jazeera de hatî belavkirin ji zeytûnên Dêrîkê berî jî gelek rûn dihate bidestxistin. Ji aliyê karmendê Kurd Hasan Tahsin Gucum ve hate diyarkirin ku berê li herêmê karê rûnê zeytûna ji aliyê Ermeniyan ve dihate kirin lê belê piştî ku Ermenî ji Dêrikê derketin êdî hilberîna rûnê zeytûna rawestiya.

Hate diyarkirin ku tenê dikana ku vê gavê rûnê zeytûna amade dike dikana Hasan Tahsin Gucum e.

Gucum got; hetanî berî 50 salî nêzîkî 11 kargehên çêkirina rûnê zeytûna hebûn. Li herêma Dêrikê ji aliyê Ermeniyan ve dihate kirin ev kar. Ev rûnên zeytûna bê asîte, çêja wê ji yên dîtir cûdaye. Tu dermanên tevlîkirî tuneye. Di kargeha ku min vekirî de, ji bo danasînê min tenê yek derhêna. Piştî ku demsala rûn qediya ez dê dest bi derhênana bêhtir bikim. Piştî bi salan li Dêrikê cara yekeme tê kirin ev kar. Piştî 50 salî kargeya yekeme ev.

 

Karmendê Kurd ji bo patenta vî karî bigre serî li dezgehên patentê yên Tirkiyê da. Gucum hizirî ku tenê bi navê Kurdî dibe ku nikaribe mafê vî navî bigre bo vê yekê jî di tomarkirina navan de 2 nav bikar anîn. Li ser şuşeyên zeytûna „Xilxalî Zeytinyagi“ tête nivîsîn. Bi vî navî patent tomar kir. Him bi Kurdî him bi Tirkî. Karmendê Kurd weha got; Patent bi navê min dan. Min wekî Xilxalî wergirt, xilxalî navekî Kurdîye. Ez dixwazim ku ev berhem wekî merqeyekî Kurdî bikeve bazarê. Bi vî rengî û bi vî navî him bo Kurdan him bo Tirkan dê merqeyek nû çêbibe.

Gucum bi xwe ne xwedî erdê zeytûna ye lê belê rûn ji gundiyan û xwedanê erdan dikire û berhemê xwe di afirîne. Gucum diyar kir ku ew dixwaze karên xwe mezintir bike û dest bi afirandina sabûnê jî kir.

dîtin: 179

Pêveker:

merqeyeke kurdî li tirkî hate tomarkirin “xilxalî”