• Têketin
  • Bibe Nivîskar
  • Ziman
Xwe li êvarên qozikên jiyana min bigire û were

Xwe li êvarên qozikên jiyana min bigire û were


nivîskar: Çiya Mazî
barkirin: Befranbar 1, 2015, 2:38


 

 

WERE

Xwe li êvarên qozikên jiyana min bigire û were

Li cirûskên hildana dilê min bigire ey ronî

Xwe li tariya tayên çavên min bigire

Li biriqînên peqikên cegera min

Xwe li newaya banga kevokên Mêrdînê

Di şeveqên bi mij de bigre û were

Xwe ji berqefên tahtokên şilî berde

Bi alî milê çepê î rojava de

Destê xwe li ba ke û were, te dibînim

Were çarşefa mîranî ji ser xetên sînorên hewaran hilîne

Xembariyên xwe bi bizmaran ve bê xem daliqîne û were

Were xwe nemelisîne û were

Were xwe venedize û were

Were fedî neke û were

Xwe di taldeyan de nelûsîne

Veneşêre di bin siya ins û cins de

Û were ey roniya çavê min.

ey berbanga sal û zemanên min

ey êvar û zeriya kaînata min

ey xişreya kêf û şahî û jiyan û mirina min

Li ber taldeyê dîwarê rêpêgên te xeriqîm were

Were dilê min yê bi te re mayî bide min

Te dizîbû bi dizîka di xafiliyek min de

Dema ku te ez aş kirim ji hewara bêgaviyê

wê gavê bide min dîsa

û were ey dildar û azadiya Kobaniya min

-Çiya Mazî- (Kovara Çirûsk)

 

Ji vî zozanî ezê jî herim şah …

Yê himber xuyayî çi zozanekî xweş e

Min demek nebihart ez diherim wisa

Pîrê min î çavbelek tu min bistirînî

Ji vî zozanî ez ê jî herim şah

 

Ger ez şênkahiya vî bostanî bim

Di devê vî gelî de ezî destan bim

Ger Axa reş ez serdestê te bim

Ji vî zozanî ez ê jî herim şah

 

Ji komek quling re bifirin gotin

Derdê di dil de der bikin gotin

Ji zozan û wê de nêzîk e gotin

ji vî zozanî ez ê jî herim şah

 

Ji destê xoşevist mişt vexwarî dîn im

Lehiya mêşeyî ser kef bixwîn im

Ez lawekî rê me rê perîşan im

Ji vî zozanî ez ê jî herim şah

 

Destmêja min girtî bidine girtin

Nimêja min kirî bidine kirin

Yên li ba we bêjin ‘Şah!’ bidine kuştin

Ji vî zozanî ez ê jî herim şah

 

Pîr Sûltan Abdal im dinya aş nabe

Çû, emrê çûyî nayê bi şûn de

Çavê min jî ji rêya şahî venabe

Îsal ji vî zozanî ez ê jî herim şah

 -Pîr Sultan Abdal

Ji Tirkî werger: Çiya Mazî-

 

 

dîtin: 397

Pêveker:

xwe li êvarên qozikên jiyana min bigire û were