Du pirtûkên bi deng ên weşanxaneya Azad derketin!

Du pirtûkên bi deng ên weşanxaneya Azad derketin!

Pirtûkên bi deng ên bi navê “Mem û Zîn” û “Herdem ciwanê” derketin pêşberî Kurdîhezan.

Di vî warî de cara ewil e ku ev du pirtûkên bi deng ên bi Kurdî tên çapkirin.

Gerînendetiya herdu pirtûkên bi deng EslîxanYildirimê girtiye ser xwe. Derhêneriya wan Mustafa Gazî girtiye ser xwe û di heman demê de muzîka wan jî çêkiriye. DVD’ya yekemin (Mem û Zîn)Mîran Janbar, a duwemîn (Herdem ciwanê) jî Xecê Omerî xwendiye.

DVD’ya yekemin ji klasîkên me yên herî girîng“Mem û Zîn”a Ehmedê Xanî ye, ku ji şêst beşan pêk hatiye. DVD’ya duwemîn “Herdem ciwanê” berhema nivîskar û weşanger EslîxanYildirimê ye, ku ji 26 çîrokên gelêrî pêkhatiye.

Ji van DVD’yan “Mem û Zîn” xîtabî mirovên gihîştî, DVD’ya “Herdem ciwanê” jî xîtabî mirovên biçûk, mezin hemû kesan dike. Li aliye din ev berhemên hanê xîtabî mirovên ku bi xwendinê nizanin an ji xwendinêheznakin û ya girîng jî kesên ku çavên wan nabînin dike.