El Qaîde windahiyên mezin li hemberî YPG didin

El Qaîde windahiyên mezin li hemberî YPG didin

Ligor nûçeyek Ajansa Hawar Newsê, îro jiber şerê ku li taxên Eşrefiye û Şêx Meqsûd yên Kurdan li bajarê Helebê di navbera wan û hêzên Yekîneyên Parastina Gel (YPG), Cephet El-Ekrad de derketin de, heta niha 10 çete hatine kuştin û zêdetirî 10 çekdarên din birîndar bûne her weha hêzên Yekîneyên Parastina Gel (YPG), Cephet El-Ekrad 2 bazgehên grûpên çekdar li Sekin Şebab û Eşrefiyê hatine desteserkirin û hîna şer û pevçûn navbera aliyên şerker de berdewame.

Hêjayî gptinê ye ku, îro koma girêdayî kesê bi navê Xalid Heyanî, komên bi navê Rebîi El-Erebî, Lîwaya Selaheddîn û hin komên girêdayî Partiya Azadî demjimêr derdora 13.00’an de bi çekên giran êrîşî bazgehên parastinê yên taxên Şêxmeqsûd, Eşrefiye, Sekin Şebabî û Şiqêf ku piranî Kurd lê dijîn kirin.

Girkê Legê – Li herêma Girkê Legê, Çilaxa û Koçerat yên Rojavayê Kurdistanê, di şerên 52 rojan de ku bi êrîşên komên çekdar dest pê kiribûn û hîn didomin de, hêzên YPG’ê 20 gund rizgar kirin û 11 navendên komên çekdar bidest xistin, her wiha hêzên YPG ku ev hefteyeke “operasyona şoreşgerî daye destpêkirin” nêzî bajaroka Til Koçer a li ser sînorê Iraqê bûne.

Ji aliyekî din ve di çarçoveya “Operasyona Şehîd Çekjîn” de şevê din demjimêr 01.00’an de hêzên YPG’ê li derdora gundê Seharîc û Mişêfre li dijî navendên komên çekdar ên Dewleta Îslamî ya Iraq û Şam (DAIŞ)/ Cebhet El-Nusra çalakiyek bibandor lidar xist û di encam de 30 çekdar hatin kuştin û gelek kesên din jî birîndar bûne her weha di operasyonê de otombêlek Doçkahilgir, gelek çek û cebilxane destser kirin û navendên komên çekdar yên li derdora gundê Seharîc û Mişêfre ku 5 kîlometre dikevin bakurê bajaroka Til Koçer hatin ruxandin.