Merîwanî li dijî bidarvekirinê meşiyan
Rewanbej
Mij 6, 2013 10:37
811
0
Li bajarê Merîwanê yê Rojhilatê Kurdistanê, li dijî bidarvekirina girtiyên siyasî yên kurd ji aliyê rêjîma îslamî ya Îranê, xwepêşandan hat lidarxistin lê xwepêşander rastî êrişa hêzên ewlehiyê hatin. Hat gotin 2 kes hatine girtin.
Li gorî nûçeya malpera KurdPayê, doh (05.11.2013) li bajarê Merîwanê yê Rojhilatê Kurdistanê, meş û xwepêşandanek li dijî bidarvekirina girtiyên siyasî yên kurd ji aliyê rêjîma îslamî ve hat lidarxistin.
Li gorî nûçeyê, xwepêşandan rastî êrişa hêzên ewlehiyê yên rêjîma îslamî hat. Hat gotin ku 2 xwendekarên bi navên Wirya Tase û Dana Lencawayî hatin girtin.
Di nav çend rojên borî de gellek girtiyên kurd bi taybet girtiyên siyasî yên mîna Hebîbula Gulperîpûr, Riza Îsmaîlî û Şêrko Mearifî bi hêceta têkdana ewlehiya millî û “şerê li dijî Xudê” ji aliyê Îranê ve hatin bidarvekirin.
Rudaw
