Nivîskar Elî Eşref Derwêşiyan wefat kir
Dêrsim Oremar
Cot 26, 2017 06:12
1194
0
Nivîskarê navdarê kurd Elî Eşref Derwêşiyan îro 26.10.2017\'ê di temenê 76 saliyê de bi sedema nexweşiyê wefat kir.
Navbirî di qada edebiyat, lêkolîn û komkirina çîrokên gelêrî ya Îran û kurdî de yek ji navên naskirî bû û bi dehan berhemên wî di wan waran de hene.
Derwêşiyan di sala 1941\'ê de di malbateke kirêkar de li taxa Abşûran a bajarê Kirmanşan a Rojhilatê Kurdistanê ji dayik bibû. Piştî qedandina xwendinê li gundên derdora Kirmanşan û Gilan a Rojava mamostetî kir. Di sala 1966\'ê de li zanîngeha Tehranê dest bi xwendina edebiyata farsî kir.
Ji endamên Civata Nivîskarên Iranê bû û di serdema şah û piştî vê jî ji ber nivîsên xwe gelek caran hatibe binçav û nivîsandin jê re hate qedexe kirin.
Mijara çîrok, berhem û nivîsên Derwêşiyan jiyana çînên bindest yên civaka Kurdistan û Îranê ye, herwiha beşek jî berhemên wî jî beşek ji jiyana civakî ya wî radixe berçavan.
