Parlemena Kurdistanê li ser Mijara Destûra Kurdistanê kom bû.

Parlemena Kurdistanê li ser Mijara Destûra Kurdistanê kom bû.

Îro serokatîya parlemana Kurdistanê û serokên fraksiyonên parlemana Kurdistanê bi mebesta guftûgo û gengeşekirin li ser têbînî û pêşnîyarên alîyên siaysî di bareya destûra Kurdistanê de bi hev re kom bûn, lê kombûn bi bê encam dawî pê hat.Li gor peyamnêrê me yê li parlemana Kurdistanê, serokê parlemana Kurdistanê Erselan Bayiz amade nebûye di bareya kombûnê û encam an encamên vê de zanyarî bide rojnamevanan.
Her di evê bareyê de Haje Silêman parlemanter  û seroka fraksiyona dada civakî ji PNA re ragihandiye, ku di kombûna îro de alîyên amadebûyî negihîjtine ti rêkevtinekê û biryar wiha ye ku parleman sibe jî li ser evê mijarê kom bibe.
Kombûna îro ya parlemana Kurdistanê piştî ewê yekê hat ku pêştir Mesûd Barzanî serokê herêma Kurdistanê di nameyekê de bo partî û alîyên siyasîyên herêma Kurdistanê daxwaza têbînî û pêşnîyarên wan li ser proje qanûna destûra Kurdistanê kiribû û alîyên siyasîyên Kurdistanî jî bersiva nameya serokê herêma Kurdistanê dabûn.
Piştî bersiva alîyên siyasî bo nameya serokê herêma Kurdistanê, rêzdar seork Mesûd Barzanî bi rêya nameyekê têbînî û pêşnîyarên alîyên siyasîyên Kurdistanî ji parlemana Kurdistanê re şand.
Jêder:Peyamner